Sorry, this entry is only available in Kazakh. For the sake of viewer convenience, the content is shown below in the alternative language. You may click the link to switch the active language.

Украинадағы соғыста сепаратистер үшін қазақ жігіті соғысып жүрҚазақстан азаматтары Сириядан бөлек, Украинаның Шығысындағы соғысқа қатысып жүр. Бір қызығы, өткен айда ғана Қорғаныс министрлігі бұл ақпаратты жоққа шығарған болатын. Енді нақты айғақ табылып отыр.

Ғаламторда бүлікшілердің қатарында соғысып жүрген қазақ жігіті туралы видео пайда болды деп хабарлайды КТК арнасы. Интернетті шулатқан бейнежазбаны қазір Ұлттық қауіпсіздік комитеті тексеріп жатыр.

Бейнероликтегі жігіт өзін Нұрлан деп таныстырып, лақап аты “Найман” екенін айтады.

Семейде туып Екібастұз қаласында тұрған 26 жастағы Нұрлан Игенов деген азамат ресейлік арналардан өліп жатқан адамдарды көріп Украин әскеріне қарсы соғысуға келгенін айтады.

Міне, Калашников автоматын ұстап, Новороссия деген жазуы бар сепаратистердің киімін киіп алған. Ал мына суретте өзі секілді жан-жақтан келген қаруластырымен тұр.

Нұрлан мамандығы бойынша журналист екен. Екібастұзда жергілікті радиода ди-джей болып істеген. Ал оны Донецкідегі бүлікшілер әскери тілші қылып ұрыс алаңына ертіп жүріпті.

Кейін отандасымыз Украин армиясы бейбіт тұрғындарды қырып жатыр деген сарында бейнематериалдар әзірлеп, интернетке салып отырған. Кейін сол жазған өтірігіне өзі сеніп қалған сыңайлы.

“Мен барлығын түсінемін. Бұл менің таңдауымым. Бұл жерде қаланы күзетесің бе, әлде батальон құрамында болғың келе ме өз еркің. Мен өз-өзімді жоғалтып алған адаммын. Осында келіп өзімді таптым. Шын айтамын”, – дейді Нұрлан Игенов.

14 минуттық бейнероликте жерлесеміз Донецкіде қалуға бекінген. Сондағы ойы тәуелсіз Украинаның Шығысын екіге бөліп бөліп, бүлікшілермен бірге Новороссия мемлекетін құру.

Нұрланның Астанада тұратын анасы 26 жастағы ұлының Украинаға кеткенін білетінін, бірақ жеке шешіміне қарсылық таныта алмағанын айтты. Ал саяси көзқарасы қалыптасып үлгермеген жігіттің үгіт-насихатқа көзсіз сеніп, ақша емес, идея үшін басқа мемлекеттегі соғысқа кеткені қынжылтады. Себебі Сирияға аттанып жатқандар да Нұрлан сияқты өзгелердің геосаяси мүддесі үшін жат жерде қаза тауып жатыр.

Қазір бөгде мемлекеттегі соғысқа кеткен Нұрлан Игеновтың ісімен Ұлттық Қауіпсіздік комитеті айналысуда. Ғаламторды дүр сілкіндірген жазбаны тексеріп, екібастұздық жігіттің Украинаның Шығысына қалай кеткенін, кімдердің жәрдем бергенін шұғыл анықтап жатыр.

Ал жерлесіміз Қазақстанға қайтарылған жағдайда 7 жылға түрмеге жабылуы мүмкін. Себебі заңға енгізілген өзгеріске сай, шетелдегі қақтығыстарға қатысқандарға осындай жаза қарастырылған. 

NUR.KZ

Толығырақ: http://alashainasy.kz/politic/ukrainadagyi-sogyista-separatister-ushn-kazak-jgt-sogyisyip-jur-56036/
материалды қалай болсын қолдану тек қана Alashainasy.kz сілтемесімен бірге рұқсат етіледі

Рубрика: