Sorry, this entry is only available in Kazakh. For the sake of viewer convenience, the content is shown below in the alternative language. You may click the link to switch the active language.

Бүгінгі жас ұрпақ жастар саясаты тұжырымдамасынан неге бейхабар? 

Дос КӨШІМ, «Ұлт тағдыры» қоғамдық қозғалысының төрағасы:

 

– Мен қаншама шетелге шығып жүрмін, бі­рақ еш елден жастар саясаты дегенді естімеп­пін. Ондай ұйым да жоқ. Ал біздегі тірлік – баяғы жастар орталықтарын аша отырып, идео­логия жүргізу. Сондықтан оған ешкім мән бере бермейді. Өйткені нарық заманы, әркім өзін­ше қыбырлап тірлік етіп жатыр. Бәлкім, университет қабырға­сын­да оқып жүргендерге әсер етуге болатын шығар, ал оқу орнын бітір­ген соң әркім өз бетінше кететіні белгілі. Бәлкім, мемлекеттің жас­тарға арналған арнайы тұжырымдамасы керек те шығар. Жұ­мыс­қа тұруына, баспана алуына, шаңырақ құрса, көмек көрсету жа­ғынан. Егер де мемлекет жастар мәселесін түпкілікті қолға аламын десе, қалада да, ауылда да бірдей, кең түрде үгіт-насихат жұмыстарын жүргізуі тиіс. Сонда ғана жастар өз мүмкіндіктерін сезінеді. 

 

Аида ЖАНТІЛЕУОВА, Ғ.Мүсірепов атындағы Қазақ мемлекеттік академиялық балалар мен жасөспірімдер театрының актрисасы:

– Жастар саясатында бәлкім, кем-кетіктер бар шығар. Бірақ дәл біздің елдей жастарға кө­мек көрсетіп жатқан ешқандай мемлекетті көр­ген жоқпын. Жастарымыз шетелдің маңдай алды оқу орындарында, елімізде жақсы қызмет­терде жүр. Өзге де әлеуметтік көмектер көрсетіліп жатыр. Одан ар­тық не керек? Осының өзі-ақ олардың оқытқан, тоқытқан, жұмыс берген мемлекетіне жақсы көзқарасын қалыптастырып отыр емес пе? Рас, өмірге салғырт қарайтын жастар болады. Бәлкім, солар белсенділік танытпаған соң, көп нәрседен бейхабар шығар. Менің­ше, қазіргі жастардың басым бөлігі алғыр, білімдар, еңбекқор. Көп нәр­се адамның өзін-өзі бағындырып, бағыттай білуінде емес пе? 

 

 

Эльвира КЕЖЕБАЕВА, байланыс қызметкері:

– Еліміздегі жастардың көбі мемлекеттің жастар саясатының тұжырымдамасынан бей­хабар болуы, ол – насихаттың аздығы. Егер де жо­ғары оқу орындарында осы іспен айналыса­тын орталықтар жұмыс істесе, тұжырымдама­ның мән-жайын түсіндірсе, жастардың ықы­ласы бірден ауар еді. Бізде сол жағы жетіспейтін сияқ­ты. Естуімше, жыл сайын «Жастар тәжіри­бесі» жобасына мемлекет тарапынан қыруар ақша бөлінеді. Сол қар­жы қайда кетіп жатыр? Бұл олқылықтың орнын толтыру қиын емес. Ең бастысы, жастарға оқуда болсын, еңбек саласында болсын, үлкен көңіл бөлінгені жөн. Өйткені еліміздің ертеңі – жастар. Оларға дұ­рыс бағыт-бағдар берілсе, жағдай жасаса, жұмыспен қамтамасыз етсе, қоғамда нағыз «елім, отаным» деген жастар легі қалыптасады.

 

http://www.aikyn.kz/articles/view/45032

Рубрика: