Sorry, this entry is only available in Kazakh. For the sake of viewer convenience, the content is shown below in the alternative language. You may click the link to switch the active language.

 

Ауғанстанда паранжа бағасы он есе қымбаттап кеткен. Ауған әйелдері киім алу үшін сағаттап кезекте тұруға мәжбүр, деп хабарлайды Stan.kz ақпарат агенттігі. 

Ауған әйелдерінің сөздерінше, Талибандар билікке келгеннен кейін киімнің бұл түрінің бағасы он есе шарықтаған. Өйткені мемлекетте паранжаға сұраныс артқан. Сатушылар тәліптер әйелдерді мәжбүрлеп паранжа кигізеді деп ойлап, киім бағасын аспандатып жіберген. 

Бір әйел паранжа алу үшін бірнеше сағат кезекте тұрғанын айтады. 

“Қазір паранша тапшы. Ал біздің үйде үш әйел бар”, – дейді ол. 

Жергілікті тұрғындардың айтуынша, тәліптер Кабулды тез жаулап алады деп ешкім ойламаған. 

Бұған дейін Талибан қозғалысының ресми өкілі Сохейл Шахин елдегі барлық әйелдер шариат ережелеріне сәйкес хиджаб киюі керек деп мәлімдеген. Алайда ол паранжа туралы ешнәрсе айтпапты.

Рубрика: