Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

«ХАҚ» қоғамдық қайырымдылық қорының жетекшісі Тоғжан Қожалиева қайынағасы Бекболат Тілеуханмен арасы суып кеткенін айтты. Туыстардың салқындығына саяси көзқарастың қайшылығы себеп болған, деп хабарлайды Express Qazaqstan.

Бекболат Тілеухан сұхбаттарында саясаткер келіні туралы қатқыл сөйлеген болатын.

«Әйел адамның саясатпен терең айналысқанына өте қарсымын. Оның үстіне келінім айналысса, тіпті біртүрлі. Інім шетте тұрып, келінімнің белсенді болғаны ұстаныма жат нәрсе. Болмайтынын айттым. Бірақ тілімді алған жоқ… Тәрбиесі бөлек болып тұр. Әйтпесе, қайнағасымен жағаласып жатпайды…», — деген еді депутат.

facebook.com/bekbolat.tleuhan
facebook.com/bekbolat.tleuhan

Бекболат Тілеуханның пікірінше, партия бастауға үлкен харизма керек. Саясаткерлерге тән ерекше параметрлер болады. Келінінен ондай қасиеттерді көрмейді екен.

Тоғжан Қожалиева сұхбатта айтқандарының бәрі шын екенін растады.

Басында маған тыйым салған. Оның ұстанымынша, әйелдің басшылық жасамауы тиіс. Күйеуім арқылы бірнеше мәрте ескерткен. Мені өзгерту қиын. Жиырма төрт жасымнан саяси белсенді болдым. Күйеуге қырық жасымда шықтым. Енді кеш,

—дейді Тоғжан Қожалиева.

instagram.com/togzhankozhalieva
instagram.com/togzhankozhalieva

Айтуынша, сәлемі түзу болғанымен, саясаттың кесірінен жақын араласпайтын болған.

Арамыз суып қалғаны жасырын емес. Бастысы, күйеуім қолдайды. Көзқарасымыз бір. Туысқандықтың жөні бөлек болғанымен, елді де ойлау керек,

—дейді Бекболат Тілеуханның келіні.

Тоғжан Қожалиева «әйел саясатпен айналыспасын, басшы болмасын» деген пікірмен үзілді-кесілді келіспеймін. Оның пікірінше, қазіргі заман мүлде басқа.

«Бала күні бойы қазір балабақшада, мектепте жүреді. Үй шаруасын қазір техника істейді. Үйде ауыр жұмыс жоқ. Сонда, әйел күні бойы сериял қарап отыруы керек пе? Онда деградацияға ұшырайды. Саналы ұрпақ тәрбиелеу үшін оның әке-шешесі де дамыған адамдар болуы тиіс», — дейді Тоғжан Қожалиева.

 

Рубрика: