мидБір талай Ресей БАҚ-тарында украиндық мәселесі бойынша Қазақстан ұстанымын теріс пайымдайтын көптеген пікірлер пайда болды. Сондықтан осындай қате пайымдау салдарынан адасқан қазақстандық және әлемдік қауымдастықты дұрыс жолға шығару үшін тиісті түсініктеме беру қажет.

Тағы қайталап айтамыз, Ресей Федерациясының стратегиялық әріптесі болып табылатын Қазақстанның сыртқы саясатты жүзеге асыруда өзінің мүлдем дербес ұстанымы бар. Біз үшін басты басымдық, сыртқы қысымға қарамастан өзіміз басшылыққа алатын, ұлттық мүдделеріміз.

Біз Косовоның бөлінгенін мойындаған жоқпыз, Оңтүстік Осетия мен Абхазияны мойындаған жоқпыз және мойындамай отырмыз, және осындай ұстаныммен Қырымдағы ахуалды қабылдап отырмыз.

Осы орайда, Қазақстан Республикасы Сыртқы істер министрлігінің  2014 жылғы 18-наурыздағы арнайы үндеуінде былай делінген:  «Біз Украинаның дағдарыстан бейбіт жолмен шыққанын және оның БҰҰ және басқа да беделді халықаралық ұйымдар эгидасы аясындағы келіссөздер арқылы қол жеткізгенін қалаймыз».

Рубрика: