Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

 

Айжан Есмағамбетова Денсаулық сақтау вице-министрі-Қазақстанның бас мемлекеттік санитар дәрігері қызметіне тағайындалды, деп хабарлайды Stan.kz ақпарат агенттігі. 

«Үкімет қаулысымен Айжан Серікбайқызы Есмағамбетова Қазақстан Республикасының Денсаулық сақтау вице-министрі – Қазақстан Республикасының бас мемлекеттік санитар дәрігері лауазымына тағайындалды», – делінген хабарламада.

Айжан Есмағамбетова 1972 жылы Алматы облысында дүниеге келген.

1997 жылы Алматы мемлекеттік медицина университетін гигиенист дәрігер, эпидемиолог мамандығы бойынша тәмамдаған. Еңбек жолын 1990 жылы Алматы қаласы №7 емханасында фельдшер-зертханашы болып бастаған.

1997-2004 жылдары Республикалық санитарлық-эпидемиологиялық станцияның аса қауіпті инфекциялар бөлімінде дәрігер-эпидемиолог, дәрігер-бактериолог, зертхана меңгерушісі болып жұмыс істеген.

2004-2014 жылдары ҚР ДСМ Мемлекеттік санитарлық-эпидемиологиялық қадағалау комитетінің құрылымында жетекші маманнан бастап төрайымға дейін түрлі лауазымдарды атқарған.

2014 жылы – ҚР Тұтынушылардың құқықтарын қорғау агенттігінің эпидемиологиялық қадағалау департаментінің директоры – бас мемлекеттік санитарлық дәрігердің орынбасары.

2014-2017 жылдары — ҚР ҰЭМ Тұтынушылардың құқықтарын қорғау комитетінің эпидемиологиялық қадағалау басқармасының басшысы. 

2017 жылы — ҚР ДСМ стратегиялық даму және қоғамдық денсаулық сақтау департаментінің директоры.

2017-2020 жылдары — ҚР қоғамдық денсаулық сақтау саясаты департаментінің директоры.

2020 жылғы 23 маусымнан бастап қазіргі уақытқа дейін ҚР ДСМ Тауарлар мен көрсетілетін қызметтердің сапасы мен қауіпсіздігін бақылау комитеті төрағасының орынбасары қызметін атқарды.
2020 жылғы қазаннан бастап қазіргі уақытқа дейін ДСМ санитарлық-эпидемиологиялық бақылау комитетінің төрағасы болып жұмыс істеді. 

Бұған дейін денсаулық сақтау вице-министрі – Қазақстанның бас мемлекеттік санитар дәрігері лауазымын Ерлан Қиясов атқарған болатын.

Рубрика: